Ahalegin handia egin zuen BERRIAko lantaldeak igandean hauteskunde gauaren berri emateko. Eta irakurle ugari lortu zituen Berria.info webguneak: 26.315 bisita egun osoan. Bisita bakoitzaren iraupena, batez beste, 11 minutu eta 43 segundo izan zen. Atzo, bisitari kopurua 23.000 izan zen 18:00etarako.
Aurreko astean, Berria.info-n hiru mahai inguru egin zituzten bozen inguruan. Gaur 12:00etan bozen emaitzak aztertzeko mahai ingurua gidatuko du Pello Urzelaik. Solaskideak Eider Alkorta, Koldo Ordozgoiti eta Igor Ortega izango dira.
ETB2ko saioak %27ko kuota
ETB2 kateak igandean egin zuen hauteskunde saioak %27ko ikusle kuota lortu zuen Araba, Bizkai eta Gipuzkoan, eguneko lider bihurtuz: 281.000 ikus-entzule. Egun osoan ETB2k %16,5eko ikusle kuota izan zuen, gehien ikusi zen katea bilakaturik. ETB1eko 19:50etik 20:20ra arteko saioak %3,7ko ikusle kuota izan zuen, eta 20:30etik 00:30ra artekoak %1,9koa.
Hamaika telebistak aurreneko aldiz Eusko Legebiltzarreko hauteskundeen inguruko saio bat egin zuen.
Komunikazioa
'Berria.info'-k 26.315 bisita izan zituen igandean
Gaur mahai ingurua egingo dute Berria telebistan, 12:00etan, hauteskundeen emaitzak aztertzeko
Iruzkinak
Ez dago iruzkinik
Ordenatu
