Auro Ida kazetari brasildarraren hilketa gaitzetsi zuen atzo Unescoko zuzendari nagusi Irina Bokovak. Ustelkeria ikertzen ari zenean hil zuten Ida, uztailaren 22an. Aurten Brasilen lau kazetari hil dituzte dagoeneko.
Hainbat tiro bota zizkioten Idari, Cuiaba hirian, Mato Grosso estatuan. Politikaren inguruko albisteak idazten zituen berak sorturiko kazeta digital batean, Midia News-en, eta zutabeak idazten zituen Olhar Direto gunean.
Kazetariak mehatxuak jaso zituela salatu zuen hil aurretik, Hezkuntza, Zientzia eta Kulturarako Nazio Batuen Erakundeko buruak esan duenez. Hiltzaileak atxilotzeko eskatu dio Brasili.
Komunikazioa
Berriemaile baten hilketa salatu du Unescok
Iruzkinak
Ez dago iruzkinik
Ordenatu
