13 herritako 15 zinema, Zineuskadik bultzatutako Aretoen Sarean

Guztira, hamahiru herritako hamabost zinema aretok osatu dute Zineuskadi elkarteak bultzatutako Aretoen Sarea. Orain dela bi urte osatu zuten Eusko Jaurlaritzak, Ibaia ekoiztetxeak eta EPE Euskal Produktoreen elkarteak. Haren helburua Europan egindako filmak zabaltzea da, bai jatorrizko bertsioan, bai euskaraz. Atzo egindako aurkezpenean, argitu zuten iaz sustapen lanetarako 120.000 euroko aurrekontua eduki zutela eta aurten 800.000 euroraino igo dela.