Egun pare bat daramatzate Europako 22 herrialdetatik iritsitako 8.500 musika ikaslek Euskal Herrian, baina gaur goizeko 11ak pasatuta zirela egin dute Emusik jaialdiaren inaugurazio ekitaldia Donostiako Ilunben. 10 eta 21 urte arteko musikari asko izanda, denbora behar izan dute gazte guztiak beren lekuan kokatzen. Musikariak harmailetan jarri dira, eta beheko partean, berriz, 250 bat dantzari, guztiak Euskal Herriko eskoletakoak.
Juanjo Ocon Euskal Herriko Gazte Orkestrako zuzendariak gidatu du kontzertua EOSeko eta Donostiako Musika Eskolako Gazte Orkestrako hainbat kidek lagunduta, eta ordubete inguruko saioan lau pieza jo dituzte Europako 8.500 musika ikasleek: Txanton piperri, Donostiako Martxa, Ludwig van Beethovenen 9. Sinfonia —Europako ereserki ofiziala dena— eta Musikatu bizitza, Emusik jaialdirako propio sortutako konposizioa.
EMU Europako Musika Eskolak biltzen dituen elkarteak antolatu ohi du Emusik. Guztira 6.000 eskola eta lau milioi ikasle batzen dira elkarte horretan.
Les enfants et jeunes qui chantent l'hymne européen aujourd'hui construiront l'Europe du futur. @DSS2016#Emusik2016pic.twitter.com/Deb0OlBgdl
— Xabier Paya Ruiz (@xabipaya) 2016(e)ko maiatzak 6
