Alberto Iglesias musikagile donostiarrak musika onenaren saria jaso du Europako zinemaren sarietan, Tinker Tailor Soldier Spy filmeko musikagatik. Sari hori jasotzen duen hirugarren aldia da. Aurretik Volver eta Los abrazos rotos filmetako musikagatik jaso zuen saria.
Atzo banatu ziren Maltan Europako zinemaren sariak. Michael Haneke Europako 2012ko zuzendari onena izendatu dute, Amour filmagatik. Filma, gainera, urteko Europako film onena izendatu dute.
