Gaur Bilboko egoitzan bilkura berezia egin du Euskaltzaindiak, zuzendaritzako kideak izendatzeko. Lau urtetik behin berritzen dira izendapenak. Bertan erabaki dutenez, Andoni Sagarna izango da Iker sailburu berria, Henrike Knörr zenaren ordez. Era berean, Andres Urrutia hautatu dute berriz Euskaltzaindiko lehendakari izaten jarraitzeko, 2012ra arte.
Datozen lau urteetarako honakoak izango dira Euskaltzaindiaren zuzendaritzako kideak: Andres Urrutia -Euskaltzainburua-, Beñat Oihartzabal -buruordea-, Xabier Kintana -idazkaria-, Jose Luis Lizundia -diruzaina-, Andoni Sagarna -Iker sailburua- eta Andres Iñigo -Jagon sailburua-.
Kultura
Andoni Sagarna izango da Euskaltzaindiko Iker sailburu berria
Henrike Knörr zenaren lekukoa hartuko du. Bestela, zuzendaritzak orain arte bezala jarraituko du, eta Andres Urrutia izango da euskaltzainburu beste lau urtez.
Iruzkinak
Ez dago iruzkinik
Ordenatu
