Areto bat gehiago izango du jaialdiak, eta 800 ikaslek ere eskainiko dituzte saioak

Euskalduna jauregia osorik hartuko du asteburuon Musika-Musicak. Ez da beste ekitalditarik izango bertan, ez biltzarrik ez bestelako ikuskizunik. Sei areto erabiliko ditu jaialdiak: Haydn, Da Ponte, Clementi, Salieri eta Sussmayer. Bakoitzari izen bat emateko ohitura du. Horretaz gain, beste bi sala txiki hartuko ditu, musikari amateurrentzako. Izan ere, Euskal Herriko eta Espainiako hogei kontserbatorio eta eskolatako ikasleek parte hartuko dute jaialdian. Guztira, 800 ikaslek joko dituzte Mozarten lanak. Musikeneko, Gasteizko Jesus Guridi eskolako eta Bilboko Musika Eskolako ikasleek, besteak beste.Egitarau ofizialean joko duten 510 musikariei batuko zaizkie. Herenegun iritsi ziren lehenak, eta atzo hasi zituzten entseguak. Varsoviako Orkestra Sinfonikoak goiza eman zuen, besteak beste, Txirula magikoa entseatzen.