Arrate Egañak irabazi du Zarauzko Lizardi saria

LITERATURA. Arrate Egañak (Errenteria, Gipuzkoa, 1963) irabazi du 29. Lizardi saria. Sariketara aurkeztutako 11 lanetatik Egañaren Giltza aukeratu du epaimahaiak. Jesus Mari Olaizola Txiliku-k, Miren Agur Meabek, Iñaki Frierak eta Castillo Suarezek osatu dute hori. Zarauzko Udaleko Euskara Zerbitzuak antolatzen du sariketa, eta liburuaren 2.500 ale Zarauzko ikastetxeetan banatuko dituzte.