Hartarako osatutako epaimahai batek egin du lehendabiziko galbahe lana aurtengo Iruñeko sanferminetarako kartela aukeratzeko lehiaketan: 506 lan aurkeztu dituzte guztira, eta haiek guztiak ikusi eta aztertu ondoren, zortzi aukeratu dituzte finalista izateko. Goiz guztia eman du epaimahaiak lan horretan, eta orain, haiek aukeratutako zortzien artean herritarren botoen bidez hautatuko da aurtengo sanferminen berri emango duen kartela.
Iruñeko Udaleko webgunean jadanik ikusgai daude zortzi kartel horiek, eta arratsaldeko zortzietan zabalduko dute botoa emateko bidea. Gaur arratsaldeko zortzietan bertan webgune horren bidez edo 010 telefonora deituta bozkatu ahal izango da; asteartetik aurrera, berriz, Iruñeko hamar Civivoxetan ere bozkatu ahal izango da.
Jaiak
Arratsaldeko zortzietatik aurrera sanferminetako kartela aukeratzeko bozketan parte hartu ahal izango da
Zortzi finalistak gaur hautatu dituzte, 506 lanen artean.
Iruzkinak
Ez dago iruzkinik
Ordenatu
