Heriotzaren ataria dugu bizitza eta Bizitzaren ataria dukegu heriotza liburuak idatzi ditu Joxan Artzek (Usurbil, Gipuzkoa, 1939), eta horien inguruko xehetasunak azaldu ditu. Segidakoak dira elkarrizketan esandako batzuk:
- “Nahiago dugu erositako zoritxartzen den zoriontxoa, dohainik guztiok bihotzean dugun zoritxartzen ez den zorion betea baino”.
- “Alde batetik, independentistak gara, baina beste alde batetik globalizazioaren bezero amorratuak”.
- “Alderdi grafikoa landuz, olerkiak begientzako beste musikaltasun bat izan dezan bilatzen dut. Dena tonu berean joan beharrean, dena tonuz aldatzen da grafikari esker”.
BERRIAk bihar argitaratuko du Artzeri eginiko elkarrizketa.
