Baluarten egingo dira 'Musiketan' zikloko 14 kontzertu

Musiketan musika zikloak 20 urte beteko ditu aurten, eta Bilbon ez ezik, Iruñean ere programatuko ditu kontzertuak. Hala, aurtengo urritik datorren urteko maiatza bitartean hamalau kontzertu egingo dira Iruñeko Baluarte jauregian. China Crisisek, Elliott Murphyk, Peter Hamillek, Martin Carthyk eta Tom Rusellek joko dute, besteak beste; hala, bada, askotariko musika estiloak eskainiko dituzte. Larunbatetan izango dira emanaldiak, eta sarrerak 12 eurotan izango dira. Dena den, 120 eurotan, jaialdi guztirako bonu bat erosteko aukera emango dute antolatzaileek. Hilaren 22an jarriko dute salgai. Jose Angel Serrano Musiketaneko arduradunari iruditzen zaio zikloak «kalitatea» eta «jendearekiko gertutasuna» eskaintzen dituela.