Barney McKenna The Dubliners-eko kidea hil da

MUSIKA.Barney McKenna The Dubliners Irlandako folk taldeko kidea hil zen atzo (Donnycarney, 1939-Dublin, 2012). The Guardian egunkariaren arabera, hilik aurkitu zuten etxean; antza, bihotzekoak jota. Taldearen sortzaileetako bat izan zen, 1962an. Beste hiru jatorrizko sortzaileak hilda daude. McKennak, aldiz, taldearekin banjoa jotzen jarraitzen zuen oraindik ere.