Barricada Iruñeko rock taldeak banantzea eta musikagintza uztea erabaki du, 31 urteko ibilbidea egin eta 24 disko argitaratu eta gero. 2011. urtearen amaieran, Enrique Villareal Drogas-ek Barricada utzi zuen, eta gainerako partaideek taldearekin jarraitzea erabaki zuten, baita disko berri bat argitaratu ere.
Barricadak azken kontzertua eskainiko du: azaroaren 23an izango da, Iruñeko Anaitasuna pabiloian.
Mila kontzertu baino gehiago eman ditu Barricadak, eta diamantezko disko bat eskuratu du, 31 urteko ibilbidean milioi bat diskotik gora salduta.
