Kontzertua eman baino lehen, Guggenheim museoa bisitatu dute Depeche Modeko kideek, eta 2009an BBK Liven lortu zuten arrakasta berdintzea espero du talde britainiarrak.
Depeche Mode, Kings of Leon eta Green Day dira kartelburuak. Krisi garaian Euskal Herriko jaialdi eta programazio kultural gehienak txikira jotzen ari diren arren, BBK Live festibalak handira jotzen darrai oraindik ere.
Aurtengo eskaintzak orain dela lauzpabost urte baino emanaldi gehiago dauzka, jarraitzaile askoko taldeak kontratatu dituzte eta kanpatzeko lekua hirukoiztu dute: 120.000 metro koadroko eremua Kobetamendi alboko Arraiz mendian.
