Bernaolaren obra grabatzen hasi da EOS

MUSIKA. Carmelo Bernaola konpositorearen lana jasoko du Euskadiko Orkestra Sinfonikoak grabazio batean. Euskal musikagileei eskainitako bildumako 15. zenbakia izango da Bernaolarena, eta bildumako azkena ere bai. Egunotan ari dira diskoa grabatzen, Juanjo Mena musika zuzendariarekin eta Leticia Moreno biolin jotzailea bakarlari gisa ari dela. Abenduan kaleratuko dute diskoa.