Lurmutur Hiria (Hegoafrika) izango da 2014ko diseinuaren munduko hiriburu (WDC 2014), gaur Taipei-n (Taiwan) erabaki dutenez. Bilbo eta Dublin (Irlanda) ziren beste bi finalistak. Industria Diseinuaren Sozietatearen Nazioarteko Kontseiluak (ICSID) iragarri du irabazlea.
24 herrialdetako 56 hirik adierazi zuten diseinuaren munduko hiriburu izateko asmoa, eta Lurmutur Hiria, Bilbo eta Dublin geratu ziren finalista, ekainean jakin zenez.
Bilboko hautagaitza, besteak beste, Udalak, Bizkaiko Foru Aldundiak eta Eusko Jaurlaritzak bultzatu zuten, Bilbao: Hirien Disenua lelopean.
Diseinuaren munduko hiriburuaren izendapena orain arte hiri hauek eskuratu dute: Turin (2008), Seul (2010) eta Helsinki-k (2012). Izendapenak hiria berpizteko eta herritarren bizi-kalitatea hobetzeko balio duela diote antolatzaileek.
