Bilboko Guggenheim museoak 2012. urteko milioigarren bisitaria izan du gaur, eguerdi aldera. 2007an hamargarren urteurrena ospatu zuenetik, ez zen kopuru horretara heldu. Museoaren ibilbidean bisitari gehien izandako hirugarren urtea izango da aurtengoa, bertako arduradunek emandako datuen arabera.
Arte programazioari dagokionez, David Hockney: ikuspegi zabalago bat izan da bisitari gehien lortu duen erakusketa: 543.398. Udan izan zen, eta, hala, 2012ko uda museoaren historian onenetakoa izan da, beste uda bitan baino ez baitziren horrenbeste bisitari egon.
Kultur jardueren artean, Guggenheim museoaren 15. urteurrena dela-eta askotariko ekitaldiak izan dira: arteari, musikari, dantzari, gastronomiari, arkitekturari, arte eszenikoei eta teknologia berriei lotutakoak, 70etik gora.
