Jakiunde Zientzia, Arte eta Letren Akademiak urteko lehenengo batzarra egin du gaur Bergarako Olaso dorrean, eta bertan bost kide berri onartzea erabaki du, dagokion hautaketa eta boz prozesuaren ondoren: Maria Teresa del Valle (Antropologia), Concepcion de la Rua (Biologia), Maria Teresa Telleria (Botanika), Itziar Laka eta Ibon Sarasola (Linguistika). Azken eransketa honekin, 63 jakitunek osatzen dute akademia.
Jakiunde 2007an sortu zen, eta orduz geroztik izen ugari bildu ditu bere barnean: Maria bayo, Inma Shara eta Luis de Pablo musikan; Bernardo Atxaga eta Mariasun Landa literaturan; Montxo Armendariz eta Javier Agirresarobe zineman, Rafael Moneo arkitekturan...
Gaurko ekitaldian Juan Jose Zarranz EHUko Neurologia katedradunak Artean islatutako ametsen desoreka batzuk deituriko hitzaldia eskaini du.
