Juan Mari Aburto Bilboko alkateak gaur goizean aurkeztu du Calixto Bieito (Miranda de Ebro, Espainia, 1963) Arriagako zuzendari berria, antzokiaren administrazio kontseiluaren bileraren ostean. Gaur egun Basileako Operako zuzendaria ere bada Bieito, eta aurrerantzean bi karguak beteko ditu.
Bieitok adierazi du "harrituta" jaso zuela Arriaga zuzentzeko proposamena, eta goraipatu egin du Emiio Sagik azkeneko zortzi urteetan eginiko "lan bikaina".
