Juan Luis Sanchez Muniain Nafarroako Gobernuko Kultura kontseilariak eman du epaimahaiaren erabakiaren berri, gaur eguerdian. Innerarityrenaz gain, beste hainbat hautagairen izenak aurkeztu zituzten aurten herrialdeko kultura saririk garrantzitsuena jasotzeko: Luis Bakaikoa Martich musikari eta konpositorea, Francisco Etxeberria auzi medikua, Hermanas Flamarique jota taldea, Jose Maria Goikoetxea Aizkorbe organista eta musikagilea, Pedro Lozano Bartolozzi kazetaria, Maria Angeles Mezkiriz Irujo arkeologoa eta Miguel de la Quadra Salcedo kazetaria.
Danile Innerarity Bilbon jaio zen, 1959an, baina 15 urte zituenetik Iruñean bizi da. Filosofian doktorea da, eta, gaur egun, Euskal Herriko Unibertsitateko katedraduna. Espainiako Literatur saria irabazi zuen 2003an saiakeren alorrean, eta saiakerako Euskadi saria 2012an, La democracia del conocimiento lanarengatik.
