91 urte zituen, eta orain egun batzuk zendu zen New Yorken, Peter H. David haren semeak New York Times egunkariari kontatutakoaren arabera.
Winnipegen (Kanada) jaio zen 1921ean, eta Every Sunday pelikulan egin zuen debuta, Judy Garlandekin batera, 1936an. Hurrengo 12 urteetan 20 film baino gehiagotan parte hartu zuen, ia gehienetan emakumezko xaloaren rola jokatuz. Garland edota Shirley Templerekin batera garaiko izar gazteetako bat zen. 1946an, esaterako, Hollywooden Bette Davis zen Durbinek baino diru gehiago irabazten zuen emakumezko aktore bakarra.
Baina hasi zen emakumezko helduaren rolak jokatzen —dramatikoak batez ere—, eta horietan asentatzeko arazoak izan zituen. Harik eta erretiratzea erabaki zuen arte.
