Doc Watson hil da, folk eta bluegrass aitzindaria

MUSIKA. Folkaren eta bluegrass musikaren aitzindari Doc Watson hil zen atzo, 89 urte zituela, Ipar Carolinako ospitale batean. Gitarra jotzeko orduan zerabilen teknika bereziarengatik egin zen ezagun Watson, eta folk musikari gehientsuenek diote berengan eragina izan zuela, bluegrass, blues, country eta gospel generoak uztartzeko zuen trebetasunagatik.