Donna Summer (Boston, AEB, 1948) abeslaria hil egin da gaur, bularreko minbiziak jota. Abeslariak 63 urte zituen eta disko bat prestatzen ari zen Floridan (AEB). Summerrek gaixotasunaren larritasuna ezkutatzeko ahaleginak egin ditu azkeneko hilabeteetan.
Haurra zenean gospel abesbatza batean kantatzen hasi eta ibilbide luze eta oparoa izan du musikaren munduan. Bost Grammy sari irabazi izan ditu, eta askorentzat ezagunagoa izango da beti disko musikaren erregina gisa.
Arrakasta izan duten abestien artean dira I Feel Love (1977), Last Dance (1978), Another Place & Time (1989), Mistaken Identity (1991) eta Christmas Spirit (1994), besteak beste.
