Euskadiko Museoen eta Bildumen Erregistroan 25 museo sartu zituen atzo Eusko Jaurlaritzako Museoen Aholku Kontseiluak. Horien artekoak dira Bilboko Arte Eder eta Guggenheim museoak, Gasteizko Artium museoaeta Donostiako San Telmo. Erregistroa arautuko duen Museoen Legearen tramitea onartu ondoren, museoak erregistro horretan sartzea «ezinbesteko» tramitetzat hartu dute. Horren bidez, Euskal Autonomia Erkidegoko museoen eta bildumen politika orokor bat diseinatu ahalko dela azaldu du Kontseiluak hedabideetara igorritako prentsa oharrez.
Erregistroa Euskadiko museoen sarea antolatzeko beharrezkotzat jo dute. Museoek erregistroan izena eman beharko dute Euskadiko Museo edo Euskadiko Bilduma aitorpena lortzeko eta diru laguntzak eskatzeko. Museo eta bilduma guztietako funtsen katalogoa osatu eta Interneten jarriko dute eskura.
EAEko 25 museo sartu dituzte Museo eta Bildumen Erregistroan
Museoen eta bildumen politika orokor bat eratzeko balioko duela iritzi dio Museoen Aholku Kontseiluak
Iruzkinak
Ez dago iruzkinik
Ordenatu
