Eragin handiko dokumentalgilea

Zinemagintzaz gain, poesia eta filosofia era landu zituen, eta zinemagile gisa fikzioa eta zinema kritika ere esparru emankorrak izan zituen; baina batez ere film dokumentalen arloan egin zuen ekarpenagatik da gogoratua Chris Marker, dokumentalen arloan eragin handiena izan duten sortzaileetako bat. 50 film dokumental baino gehiago zuzendu zituen, eta Loin de Vietnam izeneko lan historikoaren egileetako bat izan zen, 1967an, Agnes Varda, Jean-Luc Godard eta Alain Resnais-rekin batera, besteak beste. Joan den igandean hil zen, 91 urte zituela, Parisen.