Erakusketatik askoz haratago

Uda osoan, musika ikastaro batek, zinema dokumentalari buruzko ziklo batek eta zenbait hitzaldik eta zuzeneko emanaldik osatuko dute Music Live Experience erakusketa. Gaur, adibidez, Audience taldeak inaugurazioan kontzertua emango dugauean. Besteak beste, Russian Red eta Eli Paperboy Reed-ek kontzertuak emango dituzte. Horiekin batera, MusikaTxikia egingo dute, haurrentzako kontzertua.

«Gauzarik interesgarrienetako askok oraindik ikusi ezin daitekeen alde horretan daude», azaldu du Roberto Mosok. Horren artekoak izango dira baita ere, astero proiektatuko dituzten zuzenekoen zintak. Astearte eta ostegunetan ikusi ahalko dira erakusketan berton. Beste askoren artean, Hertzainak-ek Anoetako belodromoan 1993ean emandako kontzertua eta U2k 1997an Mexikon egindakoa ikusteko aukera izango da. Horiekin batera, Ruper Ordorika, Xabier Lete, Itoiz, Delorean, Pablo Milanes, R.E.M. eta La Pegatinaren zuzeneko emanaldiak ere ikusi ahalko dira.

Mosok eta Gotzon Hermosilla BERRIAko kazetariak koordinaturik, Bilboko Alondegian zenbait hitzaldi egingo dituzte ekainaren 25etik 28ra bitartean. Hitzaldietan, 70eko hamarkadatik gaur egun arte zuzeneko emanaldiekizan duten eboluzioa aztertu eta Euskal Herriko musikaren historian atzera begirakoa egingo dute. Besteak beste, horietan parte hartuko dute: Marivi Ibarrolak, Ruper Ordorikak, Josu Zabalak, Alvaro Herasek, Elena Lopezek eta Andres Porterok.

Halaber, Disparos en directo argazki erakusketa ikusteko aukera izango da ekaina amaieran. Horretan, Ibarrolak kontzertuetan hartutako irudiak jarriko dituzte ikusgai ekainaren 25etik uztailaren 1era bitartean.