Eskola eskandinaviarraren barruan garrantzi handiko konpositoreak izan ziren Jean Sibelius finlandiarra eta Carl Nielsen daniarra. The Frankfurt Radio Symphony orkestra sinfonikoak haien lanak ekarriko ditu gogora gaur Donostiako Kursaal auditoriumean, 20:00etatik aurrera. Paavo Järvik (Tallin, Letonia, 1962) zuzentzen duen orkestrak Sibeliusen Finlandia poema sinfonikoarekin abiatuko du kontzertua. 1899an idatzi zuen lana konpositoreak: Finlandia errusiar inperioaren esku zegoen, eta herritarren askatasun nahiaislatu nahi izan zuen autoreak musikaren bidez. Autore berak 1903an sortutako Biolinerako kontzertuak emango dio segida emanaldiari, Vilde Frang bakarlariaren eskutik: norvegiar biolinista gazteak bere talentua frogatzeko aukera ederra izango du, zailtasun handiko pieza honekin. Bukatzeko, Nielsenen 5.Sinfonia interpretatuko du orkestrak.Lehen Mundu Gerraren (1914-1918) izugarrikeriak eraginda idatzi zuen konpositore daniarrak dramatikotasun handiko obra hau, 1921-22 artean.
Guridi eta Beethoven Araian
Araba ere bisitatuko du gaur Musika Hamabostaldiak, Jesus Guridi omentze aldera. Quiroga Laukoteak musikari gasteiztarrari eskainitako kontzertua emango du Araiako Andra Mari Aretoan, 20:00etan. Guridiren Cuarteto n.2 lanaz gain, Ludwing van Beethovenen Razumovsky koartetoa ere interpretatuko dute.
Donostiako 72. Musika Hamabostaldia
Eskandinaviar zaporeko kontzertua emango du gaur Frankfurteko Orkestrak
Paavo Jarviren taldeak eta Vilde Frang biolinistak Carl Nielsen eta Jean Sibeliusen obrak joko dituzte
Iruzkinak
Ez dago iruzkinik
Ordenatu
