Esne Beltzak kontzertua grabatuko du Donostian

DONOSTIA. Kontzertu «berezia» emango du gaur Esne Beltza taldeak Donostiako kaian, estropaden giroan, 16:00etatik aurrera entzungai izango dira bandaren soinuak. Durangoko Azokan kaleratuko duten CD-DVD berria grabatuko dute gaurko emanaldian. Hori dela eta, zenbait gonbidatu izango dituzte oholtza gainean, besteak beste, Jon Maia bertsolaria, Kukai dantza taldea eta La Pegatina taldeko bi kide.