Europan aztertuko dituzte hautagaitzaren kontrako helegiteak

Kordoba eta Burgosek helegiteak jarri zituzten hiriburutzarako Donostiaren hautagaitzaren kontra, eta Madrilgo Justizia Auzitegi Gorenak epai bat kaleratu du eta adierazi du helegitea aztertzeko eskumena Europako instituzioek dutela. «Horrek izendapenean zerikusirik edukiko ote duen galdetu diegu Europako instituzioei, eta erantzun digute prozesua normal garatzen ari dela eta ez duela zertan ezer gertatu», adierazi zuen Eva Salaberria Donostia 2016 Bulegoko koordinatzaileak.