Euskal Herria eta Festa, gure jaien sinbologia aztertzen duen liburua

Euskal Herriko jaien inguruan tesi iraultzailea kaleratu dute Juan Antonio Urbeltz musikologo eta idazleak eta Santiago Yaniz argazkilariak. Euskal festen gaineko ikuspegi guztiz bizi eta berritzailea plazaratu dute eta, era berean, “Euskal jaiei buruzko eztabaida piztu” nahi dutela adierazi dute: “Orain arte gure herriko jaiak modu inozoan ikertu dituzte”. Gaur goizean Bilboko Euskal Museoan izan den aurkezpenean, euskaldunok historian zehar izan dugun herri jakintza baztertua izan dela adierazi dute: folklorea aztertzerakoan historiaren ildotik aztertu izan dela, ez herri jakintzatik, egin beharko litzatekeen bezala.