Euskal rockaren historia aztertu dute

Euskal Herriko rock musikaren historia bildu eta aztertu dute Historia del rock vasco liburuan. Elena Lopez Agirre musikari eta kazetariak idatzi du liburua, Pedro Espinosaren laguntzarekin, eta bertan bildu dituzte azken urteetan euskal rocka osatu duten musikariak eta abeslariak, baita musika eragileak, kazetariak, jaialdiak eta zuzeneko ekitaldiak ere.

Euskal Herriko musika garaikidea osatu duten musikarien eta musika taldeen lana aztertu eta iritzia eman du Lopez Agirrek. Horretarako, iraganeko musika esperientzia horiek eragin dituzten pentsamoldeen eta joeren inguruan hausnarketa kritikoa egin du, azken urteetako kulturaren inguruan gogoeta eginez.