Iñaki Aldekoak, Miren Azkaratek, Enkarni Genuak, Jesus Mari Lasagabasterrek eta Mari Jose Olaziregik osatu dute euskarazko ipuinen arloko epaimahaia, eta, azkenean, saria eman gabe lagatzea ebatzi dute. Erabak hori pena handiz hartu dutela adierazi dute, baina 38 lan aurkeztu dituzten arren, beren iduriko, bakar batek ere ez zuela merezi Donostia Hiria saria jasotea.
Euskarazko antzerki lanen atalean, berriz, hamar lan aurkeztu dituzte, eta Azpeitiako (Gipuzkoa) Alaitz Olaizolarena saritzea erabaki du Aurelia Arkotxak, Imanol Eliasek, Daniel Landartek, Ana Toledok eta Patri Urkizuk osatutako epaimahaiak.
Gaztelerazko ipuingintzan Luis Moreno Caballud espainiarra, Aragoikoa, izan da irabazle La pared(Horma) lanarekin. Antzerkigintzan, ostera, Kolonbiara joan da saria: R. H. Moreno Duranek irabazi du Cuestión de hábitos (Ohitura kontua) lanarekin.
Antzerki arloan saritutakoek 11.000 euroko ordaina jasoko dute, eta ipuingintzakoek, berriz, sei mila eurokoa.
Donostia Hiriko Kutxa Literatur Sariak
Euskarazko ipuinen ataleko saria eman gabe utzi dute
Donostia Hiriko Kutxa Literatur Sarietan, euskarazko ipuinen arloan, saria eman gabe uztea erabaki du epaimahaiak. 38 lan aurkeztu dituzte sail horretara, baina epaimahaiaren iduriko, bakar batek ere ez du erakutsi behar besteko maila. Euskarazko antzerkian Alaitz Olaizola azpeitiarra saritu dute 'Clitemnestra-ren itzulera' lanagatik. Gazteleraz, Luis Moreno Caballud espainiarra ipuinetan, eta R.H. Morendo Duran kolonbiarra antzerkian, izan dira irabazle.
Iruzkinak
Ez dago iruzkinik
Ordenatu
