Azken urteetan hainbat film egin ondoren, 2013an Fermin Muguruza oholtzetara itzuliko da. Bere webgunearen bidez iragarri du apirilean hasiko duela No More Tour 2013 bira Palestinan, eta abuztura arte luzatuko dela. Horren aurretik, martxoan FM 1999-2013 CD bilduma kaleratuko du. Hor, bere bakarkako ibilbideko kantuak eta remix-ak bilduko ditu.
Halaber, datorren urte amaierarako Harkaitz Canorekin landutako eta Jorge Alderete argentinarrak ilustratuko duen Black is Beltza nobela grafikoa argitaratzeko asmoa azaldu du Muguruzak. Komikia euskaraz eta gaztalaniaz argitaratu nahi du.
