Gabriel Arestiren biografia georgieraz argitaratu dute

LITERATURA. Jon Kortazarrek idatzitako Gabriel Arestiren biografia georgierara itzulita argitaratu du Tiblisiko Ilia unibertsitateko argitalpen zerbitzuak. Vladimir Luarsabixvilik egin du itzulpen lana. Jatorrizko liburua, El poeta Gabriel Aresti, 2003an argitaratu zuen BBK-k, Temas Vizcaínos bildumaren barruan. Jon Kortazarrek idatzitako euskal literaturaren historia argitaratu zuen iaz Ilia unibertsitateak, georgierara itzulita hura ere, eta itzulpen haren argitalpena agortzear dago.