Gaur hasiko da Heletan musikaren jaia

Gaur hasi eta asteburu osoan zehar musika izango da nagusi Heletan (Nafarroa Beherea) ospatuko den Euskal Herria Zuzenean jaialdian. Giro aparta nagusitzea espero dute festaren antolatzaileek, jaialdiko lehen egunean. "Eguzkia oholtza handiaren gibelean etzanen da, eta koloreak zoragarriak izanen dira".

The Bellrays talde kaliforniarrak emango dio hasiera jaiari. Talde horretako kantaria "zinezko Tina Turner punk bat" dela diote antolatzaileek. Rock, punk eta soul musiken nahasketarekin berotuko da publikoa, eguzkiaren indarra ahultzen hasiko denean. Talde hori ez huts egiteko aholkatu dute EHZkoek, hain zuzen ere, jakinik jendeak Manu Chao ikusi nahi duela bereziki, lehenagoko taldeen kalitatea ez gutxiesteko. Emir Kusturica ere igoko da gaur Hletako oholtza gainera.