'Gernika' etxera itzultzeko eskatuko dute etzi

ARTEA. Gernikako Udalak (Bizkaia) ekitaldi bat antolatu du larunbaterako, Picassoren Gernika koadroa New Yorketik Madrilera eraman zutela 30 urte beteko direnean. Manifestu baten bidez, koadroa Gernikara ekartzea eskatuko dute berriro ere. Bestalde, Internet bidezko kanpaina bat martxan dago, eskaera horren aldeko sinadurak biltzeko. Oraingoz, 15.400 lagunen babesa lortu du udalak abiatutako kanpainak.