Bilboko Mikeldi I eta II galeriak zuzendu zituen lehen andrea izan zen Etxebarria. 1964tik 1980. urtera arte egin zuen lan hori Keltze eta Maitane Artetxe ahizpen laguntzarekin. Galeria horietatik pasatu ziren euskal artista garaikide handienak, baita Gaur eta Emen mugimenduetan aritu zirenak ere. Mikeldi izan zen garaiko artisten topagune nagusi. Bertan, hainbat autoreren erakusketak antolatzeaz gain, tertulia eta eztabaidetarako unea ere bazegoen.
Halaber, Bilboko Arte Eder Museoaren zuzendari izateko bere burua aurkeztu zuen lehen emakumea izan zen Etxebarria. Alabaina, Miguel Zugazari eman zioten postua; gerora, Madrilgo Prado museoaren zuzendari izango zenari. Haren nahiei jarraiki, bere gorputza zientziak azter dezan utzi du. Donazio hori dela eta, bere errautsak Bizitzaren Basoan gordeko dituzte, EHUk Leioan egindako oroigarrian.
