Gounoden 'Fausto' opera emango dute Irunen

OPERA. Charles Gounod konpositorearen Fausto opera emango dute Irungo Amaia kultur zentroan heldu den asteburuan, Luis Mariano Elkarte Lirikoaren eskutik. 1859. urtean estreinatu zen lana, Parisen. Irunen erakutsiko duten moldaketa, berriz, iaz erakutsi zuen lehen aldiz Neuchateleko Lirika eta Antzerki Elkarteak, Suitzan. Larunbatean eta igandean izango dira emanaldiak.