Guggenheimek sariketa bat sortu du gazteentzat

ARTEA. Araba, Bizkaia eta Gipuzkoan lan egiten duten eta bizi diren 30 urtetik beherako artistek beren obra bat Bilboko Guggenheim museoan erakusteko aukera izango dute, Guggenheim Bilbao Horma lehiaketan gailenduz gero. Artista bakoitzak obra bat baino ezin izango du aurkeztu, eta epea martxoaren 5ean amaituko da. Saritutako obrak —bost, gehienez jota— museoko 103B gelan erakutsiko dira.