Kultura

Erramun Mendibelanda (Ea, Bizkaia, 1958) Margolaria, kartelgilea, grabatzailea eta ilustratzailea, eta baita EHUko Arte Ederren fakultateko irakaslea ere. Nor da (menditik behera) datorren figura gris hori? deitzen da BERRIArentzat eginiko obra hau, eta kartoi sendo gainean eginiko olioa da.

Katixa Dolhare-Zaldunbide (Ezpeleta, Lapurdi, 1982). Literaturan aditua da, eta Bordeleko Unibertsitatean aritzen da, literatura garaikideko ikertzaile lanetan. Gazteluma beka eskuratuta, Biribilgunea bere lehen eleberria argitaratu zuen 2004an Elkarren eskutik. Berrian ere aritu da Hirudia literaturari buruzko atalean kolaboratzaile.

Juan Luis Zabala (Azkoitia, Gipuzkoa, 1963). Kazetari aritu da hamaika urtez Egunkaria-n eta Berrian, eta itzultzaile lanak egiten ditu egun. Genero ugari landu ditu: nobela (Kaka esplikatzen, 1989; Galdu arte, 1996; Txistu eta biok, 2016), narrazioa (Gertaerei begira, 1988; Sakoneta, 1994, Ospa, 2017), biografia (Jesus Mari Artze, ttakunaren esku isila, 2003)...