Herritarrek ipuina osatuko dute Kontalaria egitasmoan

LITERATURA. Araba, Bizkai eta Gipuzkoako hogei herritan «ipuin kolektiboa, elkarreraginezkoa eta ikus-entzunezkoa» sortzeko asmoz jarri du abian Eusko Jaurlaritzako Kultura Sailak Kontalaria egitasmoa, Fran Lasuenek gidatuta. Kamioi bat ibiliko da herriz herri, eta haren barruan ipuin kontaketarako espazio ludikoa izango da. Parte-hartzaile bakoitzak aurrekoak kontatutako istorioa hartuko du abiapuntutzat.