Hertzainak taldea oholtza gainera igo zen larunbatean Gasteizen, Sanprudentzioetan, hil berri den Tito Aldama taldeko saxofoi jotzaile izandakoari omenaldia egiteko. Horrekin batera, Johny Brusko abeslaria ere gogoan izan zuten, goraino bete zen Hell Dorado aretoan.
Hertzainak-eko taldekideekin batera, beste hainbat lagun bildu ziren festara. Ruper Ordorika abeslaria ere igo zen oholtzara, Ta zer ez da berdin abestian. Kantuekin batera, Josu Zabalak egindako ikus-entzunezko bat eskaini zuten, Aldama omentzeko.
1993an esan zuen agur taldeak, eta larunbateko saioaren ondotik, ez dute azaldu berriro elkarrekin ariko ote diren.
