Hilaren 16an hasiko du OLBE Txikik denboraldia

OPERA.Alí Babá y los 40 ladrones operarekin irekiko du denboraldia OLBE Txikik, Operaren Bilboko Lagunen Elkarteak gazteenak erakartzeko martxan jarritako ekimenak. Hilaren 16an eskainiko dute obra, Bilboko Arriaga antzokian. OLBEk eta Nafarroako Ganbera Orkestrak elkarlanean ondu dute lana, Pablo Valdes idazlearen testu batean oinarrituta eta Iñigo Casalik landutako musikarekin. Bost abeslari, bi dantzari eta Kithara haurren abesbatza ariko dira oholtza gainean.