Hiru hileko kartzela zigorra jarri diote Loquillori

MUSIKA. Loquillo kantariari hiru hilabeteko kartzela zigorra jarri diote, iazko abuztuan Donostiako taberna batetik ateratzean gizon bati ukabilkada bat emateagatik. Kolpearen ondorioz, gizonezkoa lurrera jausi zen eta ezpainak zauritu zituen. Kartzela zigorraz gain, Loquillok 3.500 euro ordaindu beharko dizkio gizonari, eragindako kaltearen ordainetan.