Hondarribian eta Idiazabalen jokatuko dira Gpuntuko saioak asteburuan

Gipuzkoako Bertsolari Txapelketa final-laurdenetan da. Asteburu honetan Hondarribian eta Idiazabalen izango dira saioak, biak17:30ean. Gaur Hondarribira helduko da Gpuntua, Jostaldi pilotalekura, eta sei bertsolari ariko dira kantuan: Aitor Sarriegi, Amaia Agirre, Iñigo Izagirre, Alaia Martin, Nahikari Gabilondo eta Haritz Casabal. Bihar, berriz, honako bertsolari hauek lehiatuko dira Idiazabalgo Igaondo pilotalekuan: Jon Martin, Nerea Elustondo, Uxue Alberdi, Oier Aizpurua, Ainhoa Agirreazaldegi eta Felix Zubia.