Horacio Vazquez-Rial idazle argentinarra hil da

LITERATURA. Horacio Vazquez-Rial idazle argentinarra (Buenos Aires, 1947) hil zen atzo, Madrilen, 65 urterekin. 21 urterekin Bartzelonara joan zen bizitzera, eta han egin zuen literatur ibilbidea. Besteak beste, Segundas personas, Oscuras materias de la luz —biak erbesteari buruz—, La libertad de Italia eta Territorios vigilados eleberriak argitaratu zituen. Poesia eta saiakera ere landu zituen Vazquez-Rialek. Azken urteetan Madrilen bizi zen.