Jaurlaritzak kultur bonua berriro aterako du aurten

KANPAINA. Joan den bi urteetan izandako emaitza onak ikusita, aurtengo Gabonetan berriro ere kultur bonua kaleratuko duela jakinarazi du Eusko Jaurlaritzak. Herritarrak kultur produktuak erostera bultzatzea eta, aldi berean, kultur industriari krisiari aurre egiten laguntzea da kanpainaren helburua. Bonua 25 euroren truke erosi ahalko da, eta 40 euroko balioa izango du liburuak, diskoak eta kutur ekitaldietarako sarrerak erosteko.