Milaka lagun batu ziren bart Donostiako Igeldo mendian, musika entzun eta jaialdiaz gozatu asmoz, eta Kutxa Kultur Fest-ek ez zien huts egin. Atzo arratsaldean hasi eta bihar arte luzatuko den jaialdiak, denen gustuko musika eta ekitaldiak dakartza berekin. Bart jende gehien bildu zutenen artean izan ziren Berri Txarrak, Local Natives eta L.A.
Amor de Tokyo talde nafarrak eman zion hasiera jaiari. Ordea, iluntzeko lehen orduetan oraindik jende gutxi zen Igeldoko parkean, baina erlojuek aurrrea egin ahala, betez joan ziren inguruak, eta L.A.-ren txanda heldu zenerako beteta zeuden eskenatoki inguruak.
Gaur ere izango da zer ikusi eta zer entzun. Besteak beste, bertan izango da !!! (Chk, Chk, Chk). Estatubatuarrak 2014an ziren etortzekoak Donostiara, baina arrazoi pertsonalak medio, bertan behera utzi zuten kontzertua. Haiek jarraitzaileek gaur izango dute taldea zuzenean ikusteko aukera Igeldoko Kutxa Kultur Fest-en.
