10:30ean, bigarren egunez zabaldu ditu ateak Durangoko Azokak. Gaur ere jendetza igarotzea espero zen, asteburua izanik, eta hala gertatu da goizean.
Landako, belarrietaraino. pic.twitter.com/pnupN5XT57
— Durangoko Azoka (@durangokoazoka) December 6, 2014Egitarauak lagundu du horretan ere; besteak beste, Berri Txarrak taldeak Ahotsenean eskaini duen kontzertuak (11:00) eta Anari Alberdi eta Bernardo Atxagaren arteko solasaldiak (13:00-14:30) lagundu dute horretan.
Berri Txarrak-ek disko berria aurkezteko lehen kontzertua eman du, eta jendetza elkartu da. 800 pertsona inguru izan dira Ahotseneko karpan, eta kanpoan geratu dira beste asko, sartu ezinik. Zazpi abesti jo dituzte, denak azken disko hirukoitzekoak.
@berritxarrak@ahotsenea-n, streaming bidezko irudia. http://t.co/70BdirXd0mpic.twitter.com/JMj0iERAtT
— Badok (@Badokinfo) December 6, 2014Bestalde, Gogoetarako Plaza egitasmo berria arrakastatsua izaten ari da. Fermin Muguruza elkarrizketatu du bertan Iñigo Astiz BERRIAko kazetariak, 11:00etatik 12:00etara, Landakoko Areto Nagusian, eta bete egin da aretoa.
Lehen galdera Fermin Muguruzari: "Kantatzen duen herri bat ez da inoiz hilko?", @iastiz. #azoka49#GogoetarenPlazapic.twitter.com/DBFgCURpgp
— Durangoko Azoka (@durangokoazoka) December 6, 2014Gainera, sortzaile ugari izan dira goizean diskoak eta liburuak sinatzen: Ruper Ordorika, Gatibu, Berri Txarrak, Zea Mays, Toti Martinez de Lezea, Iban Zaldua, Atxaga eta beste.
Ruper Ordorika disko sinatzen adin guztietako zaleei. #azoka49#Dazokatpic.twitter.com/wwvArA4lFv
— Durangoko Azoka (@durangokoazoka) December 6, 2014Sortzaile, kulturgile, herritar eta kazetarien elkargune ere bada Durangoko Azoka. Horietako batzuen iritziak bildu ditu bideo batean Iñigo Astizek.
[Youtube]http://youtu.be/dsBX8ssA5BM[/Youtube]
Ikasleen Eguna izan zen atzo azokan, eta gaztez bete ziren guneak. 10:30ean ireki zituzten ateak, eta 10 eta 18 urteko haur eta nerabe saldoak bete zituen azokako gune nagusiko kaleak eta inguruneetako zelaiguneak. Baziren jakin-minez barneratu zirenak, informazio lekuan hango langileak galderaz josi zituztenak. Antolakuntzako batek, pazientziarekin eta adeitsu, jaramon egin zien bata bestearen atzetik eta era nahasian plazaratutako eskakizunei: "Ea, eta zuri zein musika mota gustatzen zaizu?".
