Jesus Lizaso eskultorea Bienalean saritu dute

ARTEA. Eskultura arloko Urrezko Domina jaso du Jesus Lizasok Florentziako Bienalean. Igandean eman zioten saria eskultore bizkaitarrari, eta «oso pozik» sentitzen dela esan du aurtengo Bienalean parte hartu duten 70 herrialdetako 700 artisten artean gailendu delako. Agatha Ruiz de la Prada, Jeff Koons —Bilboko Guggenheim museoko Puppy maskota ezagunaren sortzailea— eta Jose Luis Cuevas artista mexikarra ere saritu dituzte zortzigarren aldi horretan.